In nomine domini amen. Ego Dalida dicta Trefanova, civis Maioris Civitates Pragensis, ad universorum noticiam presentibus cupio devenire, quod quamquis perplexa corporis, egra in valitudine, sana tamen mente et compos existens plenissime racionis, non denique per errorem aut inprovide, sed deliberate et voluntarie testamentum meum ultimum de et ex omnibus bonis meis, mobilibis et immobilibis, mihi de manu dei in hac vita umbratica donatis et concessis facio, ordino et dispono, ne me mortua inter posteros meos et amicos lites et discordie oriantur. Primo itaque constituo eiusdem testamenti mei testamentarios seu commissarios providos et discretos viros Petrum et Paulum Pellificem, cives predicte civitatis Pragensis. Post volo et intencionis mee existit, ut omnia debita mea per me debitoribus meis quomodolibet contracta, que secundum ius et consvetudinem dicte civitatis Pragensis demonstrari poterint, de bonis meis primo et principaliter persolvantur. Deinde lego, dono, tribuo atque deputo domum meam, quam inhabiteo, nec non omnia bona mea mobilia et immobilia – discreto Johanni de Utery, consanguineo mihi dilecto, mihi per omnia bene conservato, et Margarethe orphano, filie olim Marquardi Carnificis, sub equali porcione – dividenda –. Si autem predicta Margaretha infra annos etatis legittime decederit vitalibus ab humanis, ex tune prefatus Johannes, consanguineus ac sororinus meus, porci nem suam distribuere et errogare debet in nomine Jesu Christi, prout consciencie ipsius melius et salubrius videbitur expediri, ob salutem mee et predecessorum meorum nec non omnium Christi fidelium animarum. In quorum evidenciam sygilla prudentum virorum Wenceslai Rab, iudicis, Pechonis Waldarz et Wenzeslaus de Hrobek, consules, iuratores et cives predicte civitatis Pragensis ad preces meas presentibus sunt appensa. Datum et actum fer. VI. ante Conductum pasche a. etc. XXIII.