Lieber freunde. Als ir uns von der hussen gelegenheit verschriben habt, und besunder, wie sie umb Luttitz ligen und zu besorgen sei, daz sie herauß meinen zu ziehen et cetera, das haben wir wol vernomen. Und tun euer weisheit zu wissen, daz unser gnedigister herre. Der Römisch et cetera künig zu lande komen ist, daz da sein kuniglich maiestat mitsampt unsern gnedigen herren den fürsten und herren, die diezeit bei seinen küniglichen gnaden gewesen sein, einen anslag volkes wiser die hussen zu schiken gemacht und mëniclich verkündt hat, dem wir unsers teils nachgeen und unser anczal also gesandt haben, und wir hoffen, derselb unser gnedigister herre der Römisch et cetera kunig und ander unser herren die fürsten werden wol bedenken und für sich nemen, wenn und wo volkes wider dieselben ungleubigen hussen aller notdurftigist sei und werde. Denn wo wir euer ersamkeit lieb oder diennst et cetera. Datum feria II^a post nativitatis Marie virgines.