Wir Ulrich von Rosenberk, obrister purgraf zu Prag, veriehen und tun kund offentlich mit dem briefe fur uns und all unser erben, das wir dem durchleuchtigen hochgebornen fursten herzog Fridreichen dem elteren, herzogen ze Osterreich et cetera, unserm gnediger herr, schuldig sein und gelten sullen IIII^m guter wolgewegner gulden ungrisch und ducaten, die er uns zu unsern notdurften nach unser fleissigen bete iez berait gelihen hat und uns die gnad getan, das er die an uns egenanten Ulrichen von Rosenberg in zwain jaren, von datum diz briefs ze raiten, nicht vordern wil an geverde. Davon so geloben wir fur uns und unser erben bei unseren eeren und guten treuen, wenn nach ausgang derselben zwair jare der obgenant unser gnediger herr herzog Fridrich oder sein erben, oder wer uns mit dem brieve mit irem gutlichem willen ermanet, die vorgenant summ guldein an uns ervordert, das wir in dann die im ainem maned nach derselben ervordrung ausrichten und in die antwurten sullen und wellen gen Wienn in des egenanten unsers gnediger herr herzog Fridrichs haus, das man Praag nennet, und disen unseren brief wider heraus von in erledigen an lenger verziehen und an allen iren schaden getreulich und ungeverlich. Teten wir aber des nicht, was schadens sy des dann furbazer nemen zu kristen oder juden, wie derselb schaden gehaissen mochte werden, iren slechten worten darumb zu gelauben, denselben schaden mitsambt dem haubtgut geloben wir in in dem namen als davor abzulegen und zu widerkeren getreulich und ungeverlich. Und sy sullen das haben zu und, allen unsern leuten und guteren, die wir iez haben oder kunftiklich gewinnen, und des davon bekomen mit recht oder an recht, wie in das an besten fuget, und sullen damit wider niemander getan haben. Und des zu urkund haben wir unser insigil gehangen an disen brief. Der geben ist zu Inspruck nach Christi geburde CCCC jare darnach in dem XXXIII jare, an phinztage vor dem Palbentagen in der vasten.