Wir Albrecht von gotes gnaden herczog cze Osterreich, ze Steir, z(e) Kernden und ze Krain, markgraf ze Merhern und graf zu Tirol etc. bekennen und tun kund offenleych mit dem brief, als wir den erbern und geistleichen unsern lieben andechtigen dem abbt und dem conuent zu Witingaw zu vordrist durch gottes willen und von sunderen gnaden gegeben heten unser haws gelegen czu Krembs, das ettwen nach Loben des Juden daselbs gewesen und von im an uns als landesfursten komen ist, dasselb haus si aber verkauft und geben haben den erbern geistleichen unsern andechtigen dem abbt und dem conuent zu der Guldein Chron umb ain sum gelts, und paten uns vleissig zu den selben kauf ze bestetten. Und wir bestetten in auch den von sunderen gnaden wissentleich in krafft des briefs, also das der obgenant der abt und der conuent zu der Guldein Chron das vorgemeldt haus mit seiner czugehorung nun furbas aller vorderung frey innehaben und irs gotshaus pawwein darinnen wol vertun, verkauffen schullen und mugen nach allen iren notdurften, und auch damit handeln und tun als mit anderem des obgenanten irs gotshaus gut an alle irrung und hindernusse. Wir sein auch des ir rechter herr und schermb für alle ansprach ungeuerleich. Mit urkund des brieffs. Geben ze Wienn an mitichen nach sand Oswalds tag, nach Kristi geburd vierczehen hunder(t) jar und darnach in dem ains und dreissikgisten jar.