Nos Nicolaus Chutner pro tunc magister ciuium, Vlricus Banarus, Nicolaus Czechrl, Nicolaus Chussnepferung, Cristannus Arcufex, Johannes Tockl, Jeronimus Ludl, Paulus Iustitor, Johannes Hanbath, ceterique iurati consules ciuitatis Iglauie tenore presencium recognoscimus uniuersis presentibus et futuris, quod constituti coram nobis in pleno consilio honorabilis vir dominus Thomas Schonmelczer, plebanus in Wilancz, ex una et dicretus vir Andreas dictus Procopius Paer parte ex altera fassi sicut et in veritate recognouit inter ipsos super quibusdam certis bonis seu hereditariis porcionibus forum seu contractum fecisse in hunc modum, sic quod prefatus Procopius Paer seu eciam heredes et successores ipsius prenominato domino Thome, ut pote sororio suo singulis annis debet et censuare tenentur sex sexagenas grossorum iure ciuili et hoc de media curia olim Schonmelczerorum sita in sub urbio ante portam purnicensis et de media villa in Wilancz supradicta pro quo quidem censu dictus dominus Thomas predicto Procopio Paer sua bona predicta seu de sua hereditaria porcione ad ipsum legittime deuoluta libere condescendit et nichil sibi iuris inde refernando totaliter resignauit et eumdem censum prenominatum Procopius Paer, heredes aut successores ipsius ut pote possessores predictorum bonorum predicto domino Thome soluere et assignare tenebuntur de bonis supradictis inchoando in festo sancti Georgii a data presencium infra unum annum proxime decurrentem tres sexagenas et deinde in festo sancti Galli proxime post venturo similiter tres sexagenas grossis et sic singulis annis censuando prout ius censuandi exigit et deposcit, quod si predictus Procopius Paer, heredes aut successores ipsius predictorum bonorum possessores non feceruit et predictum censum dicto domino Thome pro terminus predictus dare et assignare neglexerint, ex tunc sepedictus dominus Thomas habet et habebit plenam et omnimodam potestatem, seu plenum ius per se uel auxilio iudicis nostre ciuitatis prenominatum Procopium Paer, seu heredes et successores ipsius predictorum bonorum possessores inpignerandi, pignera in predictis bonis recipiendi et eadem obligandi et vendendi siue qualibet iudiciaria exhibicione, toties quoties hoc necesse fuerit faciendi usque ad census non dati ac dompnorum omnium inde quomodolibet perceptorum solucionem plenariam et integralem talis eciam condicio inter predictas partes est edicta, quod supradictus dominus Thomas predictarum sex sexagenarum annui census tres sexagenas habere debet duntaxat ad tempora vite sue aquarum solucione supradcitus Procopius Paer, heredes et successores ipsius possessores predictorum bonorum post obitum eiusdem domini Thome eruit liberi penitus et soluti reliquas vero tres sexagenas census anni ipse dominus Thomas habere debet perpetuas, quas ipse cum plena potestate potest resignare legare et dare prout sue placuiter voluntati et qui presentes literas habebuit cum consensu et voluntate sepedicti domini Thome eidem plenum ius competit inpremissis in omnibus et per omnia tamquam ipsi. In ciuius rei testimonium ad preces utriusque partis sigillum nostre ciuitatis de certa nostra voluntate et consensu presentibus est appensum. Datum die sancti Valentim anno domini millesimo quadringentesimo tricesimoquinto.