Domino Iohanni de Lompnicz, capitaneo Moraviae.

Edler gnediger liber herre! Eurer edlkeit thun wir zu wissen, das unsers herren margraffen gnad uns von der zinse wegen, dorumb der namhaftige Marschik von Radowessicz eines und Petr Broden, dem got gnad, gelassene weisen und ire vormunden inteidingensten, geschriben hat, vor euer gnade im uf nativitatis Mariae schirist kunftig gen Brünne dorumb zu kumen, sulch sachen und rechtfertigung euern gnaden von einer itzlichen parteien zu melden und zu vorzelen etc. Erkennet euer gnad selbs die grossen geverlikeiten der strasse, so das die vormunden der obgenanten armen Peter Broden waisen sich zu eurer edlkeit nicht turren derheben, noch über die strasse wagen, als sie uns auch sulchs an unsers vorgenanten herrn margraffen gnaden im zu schreiben geflehent haben, bitunde solch sachen in guten lassen besten, bis sie sich sicher zu vorlegung sulcher sachen und irer rechten fügen möchten. Biten wir hierumb auch mit fleissigen gepete, eure gande geruhe sich sulcher sachen in der egenanten waisen und irer vormund abwesen zu verteilen nicht untereinden, nuzen sie ire rechte auch furbringen und gelauperen sic mogen.