Albrecht, von Gotes gnaden herczog ze Österreich und marggraf ze Mërhern etc.

Erbern, weisen und lieben getrewn. Als ir uns yecz bey Wenczlawen dem Růtharten, ewrem mitburgër, ettleich ewr und der Stat gebrechen emboten habt, das haben wir wol vernomen und lassen ew wissen, daz wir ew in kurcz ainen haubtman mit volk zuschikhen wellen, damit ir und die stat wol bewart und furgesehen werdet, und begern an ew mit ernst, daz ir dieweil desterpas mit hüt und in ander wege ewern fleiss tüt, damit die Stat behutt und bewaret werde, als wir ew des sunder wol getrawn. Das wellen wir gen ew in güt nicht vergessen. Geben ze Wienn an mitichen vor sant Ülreichstag, anno Domini etc. vicesimo sexto.

Den erbern weisen unsern lieben getrewn dem burgermaister und dem rat zu dem Budweis.