Unser gebet zuvor, liben herrn und frunth! Wir lassen euch wissen, das uns gestern zwir botschaft komen ist, wie die waisen wider ausher czihen und an der mittwoch zu nacht zu Rockiczen gelegen sein, und ye vermain herauss zuczihen. So ist uns heut potschafft kumen, wie der Burggraue von Tachau nechten uil folcks mit im gein Tachaw gebracht hab und die Waisen schullen hernach komen, oder wo sy aussczihen wollen, des kunn wir nicht gewissen furbar; derfur aber icht anders trefflicher mer, das wold wir euch wider wissen lassen. Des gelich gelaub wir euch auch wol. Geben zu Valkenberg des ersten freitags nach Egidii anno et cetera XXIX°.