Wir Johanus, Abbt zu Czwetl, und der ganncz Conuent daselbs ergehen offenleich mit dem brief, daz uns dy erbern und weisen Andre ledrer und der ganncz Rat zw dem Budweis schuldig sind gewesen siben und achczikg phunnt wienner phenig swärczer münss fur sechs mas wein. Der benanten Summe gelts sagen wir sew und all ir erben fur uns und unser nachkomen ganncz quitt ledig und los Mit vrkund des briefs besigelt mit unsern aufgedrukten Secret. Datum in die Johannis baptiste Anno Millesimo Quadringentesimo Tricesimo.