Wir Sigmund von gots genaden Römischer künig …, entbieten unsern lieben getreuen, den ratmannen und bürgern der stat zu Camentz, unser genad und alles gut. Liebe getreue, wir haben gemerckt, das das haws Camentz, unserer stat doselbs gar nahent ligt, und wo es nit wol bewaret wurde, das grosser schad dovon entsteen mocht. Und wir haben ouch dem edeln Borssen von Camentz unserm lieben getreuen geschriben, das er dasselb slos versorge oder aber verkauffe erbirn leuten in der cron gesessen. Und dorumb so begern wir von euch, günnen und erlauben euch auch mit diesem brieff, wer sach, das der egenant Borsß dasselb haws nicht versorgen mocht und das villeicht verkauffen wolte, und ihr so stathafft würdet, das ir daz alsdann zu euch keuffet und bringet, und wenn ir das zu euch bringet, so gefelt uns wol, das ir domit handelt, es sey mit halden oder brechen, was unser land und stete und euch selbs nütz und gut duncken werdet. Geben zu Nüremberg am donerstag nach dem suntag misericordia domini, unser reich des Hungerischen etc. im xlv., des Römischen im xxi. und des Behemischen im xi. jaren.