In nomine domini amen. Nos Johannes, Dei et apostolice sedis gracia episcopus Olomucensis administrator in spiritualibus et temporalibus ecclesie et archiepiscopatus Pragensis ad perpetuam rei memoriam et ad cunctorum presencium et futurorum volumus presentibus deduci noticiam, qualiter oblatis, productis, exhibitis et ostensis coram nobis pro parte religiosarum et Deo dicatarum virginum Braxedis abbatisse et conventus monasterii sanctissime Dei genitricis semperque virginis Marie in Oslawan ordinis Cisterciensis nostre Olomucensis diocesis, privilegiis et literis autenticis reverendorum in Christo patrum dominorum Roberti, Theodorici et Brunonis episcoporum Olomucensium nostrorum pie predecessorum de et super invisceracione, unione, incorporacione et annexione capelle sancti Nicolai confessoris ipsi ecclesie parochiali sancti Jacobi apostoli in inferiori foro Brunensi factis eisdemque visis, perlectis et recensitis invenimus et reprerimus ipsam capellam sancti Nicolai predicte ecclesie sancti Jacobi, infra quos finis, terminos et limites sita edificata et fundata existit, incorporatam, invisceratam, unitam et annexam, ipsamque predictam capellam per sacerdotem, qui per rectorem ecclesie parochialis sancti Jacobi predicte pro tempore existentem fuerit institutus, regi et gubernari debere, prout in literis patentibus veris et sanis predictorum reverendorum patrum episcoporum Olomucensium nostrorum predecessorum et bullis sanctissimorum in Christo patrum dominorum Alexandri, Bonifacii et Martini moderni summorum pontificum coram nobis productis luculenter est expressum et claret. Nos igitur Johannes episcopus suprascriptus volentes, ut dicta facta et gesta predictorum reverendorum patrum nostrorum predecessorum, utpote vera, iusta et sancta in suo robore eviterne conserventur, et ut quibusuis contra predictas concessiones sanxiones et donaciones ac confirmaciones obviare volentibus via temeraria preoludatur decrevimus, declaravimus et pronunciavimus et per tenorem presencium decernimus pronunciamus ac nostrorum predecessorum predictorum dicta sequentes declaramus pretactam capellam sancti Nicolai in foro inferiori Brunensi fore, fuisse et esse beneficium manuale et non perpetuum ecclesieque parochiali sancti Jacobi ibidem in Brunna incorporatam, unitam, invisceratam et annexam presentacionesque vel confirmaciones tamquam super beneficio perpetuo et non manuali si que a nostris predecessoribus super dicta capella sancti Nicolai sunt vel facerunt facte, impetrate et obtente nullas, frivolas et de facto processisse et factas fuisse nunciamus easdemque cassamus, irritamus, irritas et cassas declaravimus et declaramus de regestrisque nostris abolendas seu cancellandas et deleri ac cancellari debere, ministrum autem et presbyterum dicte capelle per rectorem ecclesie sancti Jacobi pro tempore existentem fore et esse instituendum et amovendum ac institui et amoveri debere, quocies fuerit opportunum dictumque ministrum capelle prenominate in divinis officiis rectori et ecclesie sancti Jacobi predicte fore et esse conformandum et conformari debere, ipsamque capellam fore fuisse et esse unitam, incorporatam, invisceratam et annexam ecclesie sancti Jacobi predicte eandemque auctoritate nostra ordinaria presentibus unimus, incoporamus et invisceramus. In cuius rei testimonium et maioris roboris firmitatem huiusmodi nostre declaracionis privilegium per Martinum natum olim Hermanni de Dobrzana notarium publicum infrascriptam mandavimus publicari, nostrique sigilli appensione iussimus communiri. Datum et actum Brunne in sala superiori domous habitacionis honorabilis domini Martini de Moraviczan, canonici ecclesie Brunnensis anno Domini millesimo quadringentesimo vigesimo quinto, indiccione tercia, die vigesima prima mensis Julii, pontificatu sanctissimi in Christo patris et domini nostri, domini Martini divina providencia pape quinti, anno coronacionis ipsius octavo. Presentibus venerabilibus et honorabilibus dominis magistris Paulo de Praga, canonico Pragensi, vicario in spiritualibus et curie nostre episcopails Olomucensis officiali, Nicolao de Iglavia scolastico Wyssegradensi prope Pragam, Petro de Raczicz, preposito Chremsirensi, Johanne de Prachaticz protunc rectore ecclesie s. Jacobi in Brunna, Johanne preposito monasterii sanctimonialium in Oslawan et Venceslao, sacristano ecclesie Brunnensis et aliis quampluribus testibus fide dignis circa premissa.

Et ego Martinus natus olim Hermanni de Dobrzana, clericus Pragensis diocesis publicus imperiali auctoritate notarius, quia predictarum literarum ostensioni et exhibicioni ipsarumque declaracioni et pronunciacioni ac aliis omnibus et singulis suprascriptis dum sic ut premittitur per prefatum reverendissimum in Christo patrem et dominum dominum Johannem Dei gracia episcopum Olomucensem etc. fierent et agerentur unacum prenominatis testitus presens interfui, eaque sic fieri vidi et audivi in hanc publicam formam redegi signoque et nomine meis solitis et consuetis unacum sigilli appensionem predicti reverendisimi domini episcopi et de mandato ipsius speciali consignavi rogatus et requisitus in fidem et testimonium omnium premissorum patet in notario prescripto de correctura domini in vicesima et vicesimaprima lineis a capite computando, quod non vicio sed errore factum esse cognosco de quibus manu propria scribens fidem facio in presenti.