Komen sein der edle her Wentschz von Donyn zum Greffenstein gesessen an eyme und der gestrenge Gotsche Schaff uff dem Greiffensteine gesessin an dem andern theile vor die mannen des landes und den burgermeister und ratmanne in Gorlicz also umb sulchir broche wille, die zwischen in sein von des geldes wegen, das her Wentschze egnannt Gottsche Schoff gelegin hat, und umb den schaden, den her Wentschz zu im furdert noch seines briefes lauth, und von andir zusproche wille, die her zu im meinet zu habin. Wenn das von den mannen, dem burgermeister und ratman egnannt dorein gereth ist und getediget, das Gottsche hern Wentschz das houptgeld als 125 Ungarische gulden in golde als huthe ausgericht und bezalit hat, desselbin houptgeldes hot in her Wentschz qweit, ledig und los gelassin vor uns, und das her Wentschcz umb den schaden, den her zu Gotsche furdert, und andir zusproche, die her zu im meynet zu habin, von der nehstin zukomenden methewochin 6. April obir drey wochin 27. April eyn sweigen thun wil, den burgen zu gunnen auszureythin bis uff die zeit und im des sundirlichen schadin nicht doruff zu thun, es wer mit pfand versetzin adir geld doruff auszugewynnen, sundir sich haldin noch seines brieffes lauth, was er vormals schadin doruff gethan hot. Und sullen mit enander vor uns komen von der nehsten zukommenden methewoche obir 14 tage 20. April alhir her kein Gorlicz, noch hern Wentschz ansproch und seynis brieffes lauth und Gotschen antwort allir irer sachin noch rechte bey uns zu bleiben; und wys wir also vor recht ussprechen, das sie in an beiden teilen doran genugen sullen lassin. Und ob wir des rechtin noch der sachen gelegenheit nicht eyne wurden noch die entscheid in machten, so mogen wir das recht dorüber lassen holen zu Donyn oder zu Magdeburg uff ir beider gelt. Und ob die sachin ynnewendig den vorgenanten dreyen wochin nicht entseczt noch in rechtis weise mochten ausgesprochen werden, so sullen Gottschen burgen wedir einreithen in die herberge, dorynne sie vor ir ynnelegir gehat habin, das ynnelegir leisten und doraus nicht zu komen, die sachen werdin denn in rechtis weise zwischen in hingelegit und entscheidin, is wurde denn uff deme nehst gelegeten tage andirs doreyn gereth und betediget. Actum coram domino Johanne de Gerisdorff milite subcapitaneo, Nicolao de Cunaw, Czaslaw de Gerisdorff, Jone de Kempnicz, Nicolas de Konigshayn, Johanni Tuchris, Georgio Canitz magistro civium, Hermanno Schultes, Petro Cuntze, Hans Ffrederich, consulibus et scabinis, sabbato post festum pasce anno et cetera 29.