Hertneyd von Liechtenstain von Nicolspurg bekenn und tun kund offenlich mit dem brief das mir die erbern breisen und der burgermaister und der rat der stat ze Snoym ansgericht und bezalt habent newnundsiebzig markch und vierunddreissig grosschen die sie zu sand Jorgen tag nachstuergangen in die kamerer des allerdurchleuchtigisten fursten und herren hern Sigmunds romischen, ungerischen und behemischen et cetera kunigs gericht solden haben, und wann mir derselb egenant mein gnadiger herr der kunnig sollen sein kamergelt geschaft und inzenemen emphalhen hat so sag ich dieselben vorbenanten und burgermaister und rat der stat ze Snoym umb die obgeschriben newnundsiebzig markch und vierunddreisig groschen genzleich. Und aller ding ledig quitt und los mit urkund dizs brieffs versigilt mit meinem aufgedrukchten insigil. Geben ze Snoym an suntag nach sand Petronellen tag anno domini M^mo CCCC^mo vicesimoprimo.