Anno domini M^oCCCC^oXX^o. Von Cristans uffin steyne unnd synes wiebes ehen.

Wir Pechs Sebinkegel, burgermeyster zcu sulchnn gecziten, unnd dy gemeyne der scheppffin Kunel Blor, Jocoff Vleychscher, Heynrich Stubus, Hentschel Woyner, Hengnuchs, Niclaus Zebenkegel, Hentschel Snyder, Hekel Begke, Niclaus Schonbusel, Jacoff Stelczer, Kunat Todbyr, geswornyn scheppfin zcu Kempnicz, bekennen in unserm stadbuche, do dy ding crafft unnd macht habin, das vor uns komen ist Cristan genant uff steyne, unnd hat mit gesundin lybe unnd wolbedachtnn mute synem elichin wybe Elysabeth uff syn erbe nedin in dem dorffe gelegnn unn guther, wo her dy hat, vor uns gebin hat IIII schog groschen prager muncze, daz sy dy habin sal vor allen kindern unnd frundnn ztuuor ws unnd vor allen schuldiger, dor an sy keyne kyndere noch frunde noch schuldiger sal hemmen noch vorhindern. Auch ap an frauin Elzebeth icht geschee, das sy ehe wenn her abginge, so zollin dy fyr schog blybin Cristan ader synen kundern in den gutern ungehemmet unnd ungehindert vor allnn frundnn unnd allin vorderern. Eingeschribin noch Cristi geburthe M^oCCCC^oXX^o an dem nestnn sontage vor Katherine.