Den namhaftigen erbern (erhbaren) wolweisen e. t. c. foit, purgermeister und gesworenen zu Olomuncz e. t. c. foit purgermeister und gesworenen zur Stadtluba Unsern willigen getrewen steten behaglichen dienst zuvor. Namhaftigen erbern weisen liben herrn. Wir thun euch zu wissen, als sich sache dergangen haben mit Jakuss Generzigen, der do ist ewr mitwoner (also ein Olmützer), von einem totslag zu Newnstat, domit derselb Jakuss ist beschuldigt warden, das dasselbe zu uns und vor uns zur Lube gancz und gar ist varricht warden nach frumer (rechtlicher) leut rat und mit irer baider willen, also das Jakuss ausrichten sal, was erber leute gemacht und gesprochen haben. Geben zur Statluba an sant (sankt) Wenczlaws tag under unserem sigel.