Unser dinst zuvor, lieber er houptman! Als ir uns under andern worten geschreben hat, wie wir euers fettern arme lůthe und uch in unser betedingunge obil uffgenommen hetten et cetera, thun wir uch zu wissen, das wir ein sulches ny gezegin sein, und hatten gohofft, wir sulden ein bessern dang umb uch vordynt haben, wenn das ir uns ein solchen unglimpff nochsagin und schreibin suldet; dess wir doch meynten, wir weren einer sulchen unbillichen von uch obirhobin. Denn was wir dorynne getan habin, das haben wir alzeit uch beiderseit im besten getan. Und glouben uch wol, ir werdet uns sulichs nochschreibin fürder obirheben. Das wollen wir gerne umb uch vordinen.