Johannes, dei et apostolice sedis gracia episcopus ecclesie Misnensis, universis et singulis plebanis et viceplebanis per sedem Gorlicensem salutem in domino. Ut negocium fidei catholice facilius exequatur ac Christi fideles magis a vidius ad persequendum insultus perfidorum Hussitarum pronunc in terra sevientium exurgant, dei gratia speciali omnes et singulas extractaciones, suspensiones, cessationes divinorum et interdicti sententias, contra quascunque personas utriusque sexus tam ecclesiasticas quam seculares, sub quacunque forma verborum, pro quibuscunque causis ad instanciam cuiuscunque promulgatas per nos nostrumque officialem, sub confidentia tamen, quod quilibet, ad cuius instantiam huiusmodi sint late, consentiunt saltem ad confugiendum in opidum Gorlicz zelo fidei catholice causa iuvandi defendere locum ipsum et gentem inibi existentem, suspendimus, relaxamus, ingressum ecclesie, participationem divinorum et sacramentorum ecclesiasticorum ac Christi fidelium ipsis et eorum cuilibet in ipso loco Gorlicz persistente hinc ad festum Walpurgis proxime futurum 1. Mai dei nomine in his scriptis indulgemus. Datum Stolpen die 16. mensis Martii 1431.