Vnsern dinst czuuor, erbern, weisen, liben frůnt und gunner. Also samb uns ewer erberkheit vor schriben hat, das on ewch von ffrumen lewten gelant ist, wie di feynd mit etlich wacht, mit pherden fuesgengel vnd wagen czugeschikchk sich haben vnd sich pey euch yn das lant czu langern czusuegen vnd czu khůmen et cetera; Dorumb lase wir ewer erberkheit wisen, das wir yecz von den ffeiten nichcz wisen, den also ssyl das man wns hat gesaget, das sy mit ire macht vor sechs tagen seind khumen auff di Stran enhalbs woldes vnd haben wolken is lande, ober das woser hat sye gehinder. So habe wir gehort, dorumb liben enimcz, was wns in den sachen wisenlich würt, oder was wir darynne dor khenne můgen, das welle wir euch mit ganczem fleisse pei tag vnd pey nacht on alle vorcziehnus ffrüntlichen wisen lasen. Geben czu Tirnaw am sompcztag noch Goczleichnams tag, anno domini et cetera tricesimo sexto. Richtar vnd der gesworen rat der stat czu Tirnaw.