Magdalena soror Viti Consselikonis, Anka et Katherina.

Nos Vitus Consselik tunc magister civium, Paulus Brzezka, Wogek, Petrus Thachowyensis, Petrus Mysska, Ssymra literatus, Nicolaus Hadek, Mathias Columbus, Johannes funifex, Duchko faber, Johannes Huba, et Mates carnifex, harum nostrarum vigore thabularum profitemur universis evidenter, quod constituta coram nobis personaliter Magdalena de Bessedicz, soror Viti dicti Konsselik germana, asseruit et publice recognovit, nullam omnino porcionem in bonis mobilibus et inmobilibus cum Vito fratre suo suprascripto se habere, sed totaliter iustam ac veram divisionem seu porcionem ipsam concernentem pro se tulit et suscepit; adiungens prefata Magdalena, nunquam bona fratris sui prenominati inpedire quovis modo temporibus eviternis, nullo iure mediante.

Item memorata Magdalena bona fruens corporis sospitate, veniens in medio nostrum, amicorum suorum freta consilio, sequestravit et divisit a se Ankam Mauricii et Kaczkam Mathie funificis coniuges, filias suas dilectas, cuilibet ipsarum per IX sexagenas grossis dando; ubi mox pretacte Anka et Kaczka, sorores uterine, prefatis pecuniis a matre sua perceptis et levatis, a dictis bonis in Bessedicz ac alias ubicunque habitis et habendis, mobilibus et inmobilibus, abrenunciaverunt et abdicarunt, alias odrzekli se, nil porcionis in eiusdem sic bonis se habere, nec aliquam comparciam, alias spolku, cum pueris ex Martino vitrico ipsarum et Magdalena genitis ac gignendis obtinere, nullo iure mediante, sed tantum ex gracia speciali. Acta sunt hec anno domini M°CCCC°XX°, feria sexta ante Egidii.