Sigmund von gotes gnaden Romischer kunig zu allen zeiten merer des reichs vnd zu Vngern und zu Behmen etc. kunig.

Liben getrewen. Ewer Botschaft haben wir wol verstanden, vnd lassen euch wissen das wir mit dem Edeln Leupolden von Krey vnserm liben getrewen, geschaft vnd bestalt haben, das er von vnsern wegen mit seinem Volke an sawmpnusse zu euch kumen vnd die Stat bewaren helffen solle. Douon so ist vnser ernste meynunge vnd wollen, das Ir den egen. Leupolden vfnemen, Im gütlichen tun, vnd ouch bey vns, doran wir nicht czweyfeln, stete besten vnd an alles wenken bleiben sollet. Geben zur Sweydnicz, an sant Marcustage, vnserer Reiche des Vngrischen in dem XXXIIII. vnd des Romischen in dem X Jaren.