Nach Crists gepurde vierczehenhundert und dornach in dem dreisigisten jaren, am donerstag fur sant Agnethen tag, ist kumen vor einen ganczen rate Wenczlaw Tewfl mit Katherinan Kunczin, seiner swegerin, und hat doselbst vor dem rate enpfangen von ir vier schok von des auspruchs wegen, domit er sie von seines vettern, des egenanten Kunczen, gelassener habe wegen anlangte, als erbere leute, uff die sie von peiden teilen mechtiklichen kumen sein, zwischen im ausgesrpochen haben, dovon so sal die egenante Katherina Kunczin von deswegen furbas mer vom egenanten Wenczlawen unangelangt beleiben und von allen seinen erben. Actum coram Petrlino Hufnagl, Michl Czotlino, Johanne Vorlauff et Stephano gurtler aliisque iuratis.