Ich Jörg von Redern, zu Cuntzendorff gesessen, bekenne offentlichen et cetera, das die erbarn und woltüchtigen Heyntze Kothewitz heuptman zu Gorlitz und Nickel von Geresdorff Königshayn genand eynen sulchen entscheid, sune, verrichtunge und ausspruch zwischen den erbern und weisen bürgermeister und rathmanne der stad Görlitz und mit allen iren helffern und dy mit in die fehde komen seyn an eynem und myr ouch mit meynen entzaiten helffern und dy mit mir kegen yn in dy fehde kommen seyn am andern teile gethan haben: Also das alle sache, schelunge und brüche, wy und von was sachen dy herkommen seyn, dorumb eyn teyl das andere gefiht, angelangit, beschedigit, vorterbit und ein anspruche gehabt had, gantz und gar kegen den ander vorrichtet, hengelegit und abegethan sal seyn und forder mehir nicht in arge zu gedenken et cetera. Sulche vorrichtunge globe ich obengenanter et cetera von meynen und den meynen brüdern et cetera. Das zu bekenntnisse hab ich et cetera desin briff mit meinem sigel lossin vorsigeln. Gegeben noch gots gebort et cetera. Sampt den sigeln Heyntze Kothewitz und Nickel von Gerersdorff et cetera.