Nobiles, providi, amici nosti sincere diligendi! Intelleximus ex relatione Superti nuntii vestri, quomodo pavore concussi etis de periculo nobilis et validi viri dominis Hnykonis, capitanei et nuntii vestri ad dominos regem Poloniae et ducem magnum Litvaniae, ne sibi et comitivae suae per inimicos ipsius in via aliquid sinistri contigisset. Qui Supetrus (sic) nuntius vester volebat ad dictum dominus Hynkonis, cupiens experiri de successu domini Hynkoni. Sed tamen ipsum non permisimus ultra Cracoviam ire, ut vestra amicitia de statu ipsius dominus Hynkonis eo celerius posset informari. De quo vestram sinceritatem cupimus non latere, qualiter strenuus et nobilis dominus Wenceslai de O. supremus thesaurarius domini nostri regis, die datae presentium a dictis dominis rege Poloniae et duce magno Lituaniae de Lituania venit, qui nos de statu et prospero successu dicti domini Hynkoni et ipsius comitivae plenius informavit, qualiter in ipsorum corporibus sani et incolomes existunt, ac per dictos dominos regem Poloniae et ducem magnum Lituaniae favorabiliter pertractantur et non paucis muneribus remunerantur; responsumque a dictis dominis die dominico proxime praeterito obtinere debuerunt. Non tamen scimus, quod responsum obtinere debeant. Alia vestrae amicitiae non occurrunt pro hac vice scribenda.