Wir bekennen, das wir mit unsern eldisten eyne wurden sein, also das Abraham jude von Monsterberg und Hester seine husfrawe czwey gnacze jar von deser data frey von uns und unsern nochcomen ratmannen ane alle beswerunge in unser stat alhie sitczen und wonen sollen, und sunderlichen ap sichs geborte Nymptsch zu kewffen ader unsere gefangen frunde aws dem gefenkniss zu lozen, das sy frey sein sollen von aller bete und beswerunge ungehindert. Actum feria 4 die Kyliani.