Sigismundus, dei gracia Romanorum rex, semper augustus ac Hungarie, Boemie, Dalmacie, Croacie et cetera rex. Notum facimus tenore presencium universis, quod pro parte iudicis et incilarum ville Schataw, fidelium nostrorum dilectorum, extat maiestati nostre humiliter et cum instancia supplicatum, quatenus universa ipsorum privilegia, iura, libertates et gracias ipsis per reges Boemie et marchiones Moravie, predecessores nostres, et signanter per Iodocum, marchionem Moravie, patruum nostrum carissimum, concessa et concessas, de nostre benignitatis clemencia, approbare, ratificare, innovare et confirmare graciosius dignaremur. Nos igitur huiusmodi supplicacionibus, utpote racionalibus atque iustis favorabiliter annuentes, prefatis iudici, incolis et comunitati ville Schataw universa ipsorum privilegia et iure, gracias et libertates ipsis per predecessores nostros, reges Boemie et marchiones Moravie, sic ut premittitur data et concessa ac hactenus datas et concessas, animo deliberato et de certa nostra sciencia, approbavimus, ratificamus, innovavimus et confirmavimus, approbamus, ratificamus, innovamus et virtute presencium regia auctoritate Boemie et tamquam marchio Moravie graciosius confirmamus, decernentes ipsa in singulis suis sentenciis punctis et articulis ac si ipsorum tenores presentibus totaliter forent inserti perpetuam obtinere roboris firmitatem. Presencium sub nostre maiestatis sigillo testimonio litterarum. Datum Cznoyme vicesimaseptima die marcii, anno domini millesimo quadringentesimo vigesimoprimo, regnorum nostrorum anno Hungarie et cetera XXXV, Romanorum undecimo et Boemie primo.