Hannus von Polentz, voyt zu Lusitz, landvoyt zu Myssin, an die Sechs land und stete et cetera.

Als ir mir geschrebin habit, das ir die uwern als morne 16. Dezember by mir habin wellit zu Senfftenberg, als meine ich, dass des nicht noth thut von sulcher schrifft wegin, dy ich uch vore gethan habe, das ir uff dyssin nehstkommen frytag 17. Dezember zu mittage zu Bischoffwerde sin sullit, dahin myns her von Sachsen rete ouch kommen werden, da ich denne by uch sin wil. Wolt ir abir darobir dy uwern zu mir schicken keygen Senfftenberg, so fyndet ir mich morne 16. Dezember da auch.

So habe ich von uwerm knechte vornommen, das die ketzer weder kommen mit sampt dem Progkoppe. Als bitte ich uch, libin fründe, das ir uch darnach richtet und schicket soldener und lüte in uwer stete, so ir meiste könt. Hoffe ich zu gote, ich wil eyne sulche anrichtunge thun, das vor die land und stete ymmer sin sol. Und stellet uch selbst redlichen, so ryten die herren und ander lüte dystir libir zu uch et cetera. Bischoffwerde kommet, wenn wyr sulche mergliche und notsachen zu handiln habin, da grosse macht an gelegen ist, das allis vor uch ist. Darum sümet daran nicht et cetera. Gegebin uff dem felde am mitwochen nach Lucie.