Dd. in Christo ff. abbatisse et conventui monasterii Vallis s. Marie in Oslavia Cisterciensis ordinis Olomucensis diocesis salutem et apostolicam benediccionem. Cum a nobis petitur … Eapropter … vestris iustis postulacionibus grato concurrentes assensu, omnes libertates et immunitates a predecessoribus nostris, Romanis pontificibus, sive per privilegia vel alias indulgencias vobis et monasterio vestro predicto concessas necnon libertates et exempciones secularium exaccionum a regibus aut principibus seu aliis christifidelibus racionabiliter vobis et prefato monasterio vestro indultas, specialiter autem decimas in Dreskowicz, in Czulba, in Miroslaws, in Czenorad et in Novaplantacione villis Olomucensis diocesis ex fructibus in terminis earundem villarum excrescentes necnon alias decimas et bona alia ad dictum monasterium spectancia, sicut ea omnia iuste et pacifice possidetis, vobis et per vos eidem monasterio auctoritate apostolica confirmamus et presentis scripti patrocinio communimus. Nulli ergo … Si quis …

Datum Rome apud ss. Apostolos VIII. kal. Decembris pontificatus nostri a. nono.

sub plica: V

in plica dext.: R^ta gratis

G. de Imola

in tergo in marg. inferiore med.: Busler

In registris Martini V. in archivo Vaticano asservatis relatio harum litterarum non est reperta