Nickel Richtersie hat bekant, das die keczir den hoff zu Radinbricz in der irsth vastwochin meynen inzunemen und andir hoffe umblegende und weldin denne eyne reyse in die marke thun noch speise und weldin die stroszen weren, daz man der stat nicht mochte zugefuren. Item hat her bekant, daz in Hanus von der Mawsschevicz gesworen hat getruwe und gewere zu sein. Item Fredrich von Strawenwalde hat in ouch dasselbe gesworen. Item hat her bekant, daz der alde Dachse Kewschberge seyn ding heymelich ustreyt. Item hat her ouch bekant obir eynen wonende eyne myle weges von der Zittaw; verneme, were zu Hirsfelde, den her nicht hat wult noch hat mocht genenen, der auch Kewsschberg seyn ding hilfet ustragen. Item habin die keczer vorgegebin, das sie dy Lobaw gerne weder hettin, und doruff sich beroten haben meynende sie mit 600 pherden, e denne sie besaczt wůrde, zu berynnen, bis der huffe hernoch mochte komen; das meynen sie zu thun, so balde sie sampnunge im lande zu Behmen werdin habin. Item hat her bekant, das sie das getreide, sobalde is halme gewynnet, meynen im lande alhy zu verterbin.