Ich Wolfgang Kurnbach, ich Kaspar Schreye^ar, ich Vlreich Puchle^ar, ich Niclas Grossenmugle^ar und ich Hanns Villacher bekennen, als wir in des hochgeborn fursten herczog Albrechts, herczogen ze Österreich etc., unsers genedigen herren, dinst zu der Igla in seinem sold gelegen sein und daselbs etbevil sche^aden amphangen haben, daz uns derselb unser gene^adiger herr von der obgeschriben scheden wegen, die wir uncz auf hewtigen tag genomen haben, wie die genant sein, ein ganz benügen getan und unser igleichen darumb erberleich ausgericht und beczalt hat ain sum gelts, daran uns wol benuger hat. Darumb geloben wir, daz wir von der obgenanten scheden wegen hincz dem obgeschriben unserm genedigen herren herczog Albrechten, seinen lannden und lewten furbaser keinen zuspruch noch vordrung haben sullen noch wellen in dhainerlay weys an geve^ard. Mit urkund des briefs besigilten mit der edeln Hannsen des Gotesprüne^ar und Oswalts des Ingelstete^ar insigil, die wir vleissikleich darumb gebeten haben, daz sy ir insigl zu geczeugnuss der sachen auf den brief gedrukcht haben in und ïrn eriben an schaden, darunder wir uns verpinden mit unsern trewn, alles das ste^at ze halden, das oben an dem brief geschriben stet. Der geben ist ze Wienn an mitichen nach Oculi in der vasten anno Domini etc. vicesimtercio.

Wolfgangen Kurrnpach III guldein

Kaspar Schreyer X tal. den.

Vlrich Puchler XVII tal. den.

Niclas Grossenmugler XVI guldein

Hannsen Villacher X guldein

Summa XLVIII tal. VI ß.