KOMPLETNI REFERENCE PUVODNI LISTINY
Dle edice MC I, s. 208–210, č. 109.
Dle edice MC I, s. 208–210, č. 109.
D. Episcopi Constantiensis provinciæ Rotomagensis
N/A
prostý soudobý opis
Srov. regest 1432_03_28a; regest 1432_03_28b; regest 1432_03_28c.ambasiatorum sacri concilii
v Bohemorum
ke koncilu.
Pragensibus
a dalším v
marchionis Brandeburgensis
, dalších knížat a obcí aliorum principum et communitatum
.
sine notabilibus armis bellicis
. Pokud jim bude dovoleno nést některé zbraně, mají je při vstupu do měst, hradů, vesnic a dalších míst, kde se ubytují, odložit u hostitele, aby se v těchto místech pohybovali beze zbraní.
Sequuntur instructiones ambasiatorum sacri concilii in Nuremberga existentium et tractare debentium super adventu Bohemorum ad idem sacrum concilium Basiliense.
Imprimis quod non incipiant tractare aliquid cum nuntiis vel ambasiatoribus Bohemorum in Egra vel alibi, nisi prædicti nuntii Bohemorum habuerint plenum mandatum et sufficientem facultatem. Et poterunt super hoc scribere Pragensibus et aliis in regno Bohemiæ quibus opus fuerit avisando eos, ut mittant cum sufficienti mandato. Et similiter quod venturi ad concilium generale habeant plenum et sufficiens mandatum.
Item quod in Egra vel alibi pendente dicto tractatu cum prædictis Bohemis propter præsentiam ipsorum non teneatur interdictum, et similiter in aliis civitatibus sive locis per quæ ipsos transire contingeret veniendo ad Basileam, ipsis tamen exclusis a divinis. Quod quidem interdictum D. Legatus ex nunc tollit et removet.
Item si pendente dicto tractatu vel veniendo Basileam aut stando vel etiam redeundo voluerint secundum modum et ritum eorum dicti Bohemi divina celebrare, quod possint et celebrent in domibus eorum, januis tamen clausis et exclusis fidelibus nostris.
Item numerus Bohemorum venire debentium ad concilium et tempus durationis salviconductus eisdem nuntiis et ambasiatoribus Bohemorum impendendi relinquitur discretioni dictorum ambasiatorum concilii, ita tamen quod restringant et numerum personarum et tempus quantum poterunt.
Item instabunt et laborabunt, quod a principio quo iter arripient præfati nuntii Bohemorum ad veniendum Basileam et quousque reversi fuerint ad propria, habeantur abstinentiæ guerrarum generales inter regnum Bohemiæ et ceteros fideles. De hoc tamen ambasiatores concilii faciant secundum consilium et voluntatem D. marchionis Brandeburgensis et aliorum principum et communitatum.
Item ambasiatores dictorum Bohemorum et ipsorum familia veniant pacifice et modeste et sine notabilibus armis bellicis; et si qua forte eis deferri permittantur, quod in introitu civitatum, castrorum, villarum et aliorum locorum in quibus habebunt hospitare, deponant ea apud hospitem, ita quod in prædictis locis incedant sine armis.
Item quod nullus prædictorum veniendo, stando hic in Basilea et redeundo ibit aut ambulabit per civitates, villas et alia loca in quibus continget eos aliquo modo moram trahere, nisi præsentibus deputandis; et hoc propter pericula et scandala vitanda quæ possent oriri hinc inde.
Item veniendo, stando hic et redeundo, in audientia, in collationibus, disputationibus et quibusvis aliis mutuis humanis conversationibus cavebunt ab injuriis, opprobriis, detractionibus et quibuscunque contumeliosis verbis aut invectivis quarumcunque personarum cujuscunque status, gradus aut dignitatis fuerint, cum versa vice velit sacrum concilium hoc eisdem observare et ubique facere et procurare observari pro posse.
Item quod veniendo, stando et redeundo nullomodo palam aut occulte prædicent aut doceant, nec cum quocunque nisi in præsentia sacri concilii vel deputatorum aut deputandorum ab eodem disceptabunt sive disputabunt.
Item quod non scribent literas quibuscunque maxime nostris fidelibus absque visitatione deputatorum concilii, nec ullo modo libellos aut cedulas sive quascunque scripturas seminabunt aut dispergent sive dimittent post se in locis in quibus fuerint veniendo, stando, redeundo.
Item quod tam in veniendo quam in redeundo ambulent et servent vias publicas secundum quod ductores eorum qui ad hoc deputabuntur ducent eos.
Item si petant audientiam publicam, promittant eis quod habebunt coram toto concilio quotiens opus fuerit. Si autem instabunt ad habendam audientiam publicam coram laicis, nullomodo concedatur eis inconsulto concilio.
Item prædicti ambasiatores concilii in tractando cum eis, conversando et loquendo cum omni mansuetudine, benignitate, humilitate, patientia atque caritate se habebunt, et secundum gratiam eis datam a domino omni via et modo possibilibus pacem et unionem inter nos et ipsos procurabunt.
Item prædicti ambasiatores concilii poterunt conversari cum eisdem nuntiis et ambasiatoribus Bohemorum in omnibus secundum discretionem ipsorum, exceptis divinis.
Item prædicti nuntii Bohemorum in recessu ipsorum vel aliter non ducent aliquem ex nostris secum, etiam volentem eos sequi.
Item quod prædictæ instructiones teneantur occultæ, ita quod nullo modo veniant ad notitiam dictorum Bohemorum.
Item quod in prædictis communicent et habeant consilium cum D. Marchione et aliis principibus ecclesiasticis et secularibus, nec non et communitatibus, secundum quod prædictis ambasiatoribus concilii videbitur expedire.
Item in præmissis omnibus et singulis taliter prædictis ambasiatoribus provideant, quod omnis captiositas, fraus et dolus evitetur.
Acta fuerunt hæc in congregatione nostra generali præsentibus dictæ nostræ sanctæ synodi Basiliensis notariis et scribis infrascriptis, sub sigillo reverendi in Christo patris D. Episcopi Constantiensis provinciæ Rotomagensis, quo ad præsens utimur, die Veneris xxVIII mensis Martii, anno a nativitate domini M° cccc° xxxii°.