Edler lieber sweher und freunde, unser freuntlich dinst beuor. Als ir uns geschriben habt von frides wegen mit dem Zmyl von Brachaditz aufzenemen, also hat unser genediger her der herczog uns ew und auch unserm lieben sweher dem von Wallsse geschriben, denselben brif wir ew hiemit sennden, wol vernemen werdet und darauf ewr freuntschaft also frid aufgenemen mag. Als ir dann begert ew aus genotigen sachen mit uns zu underreden, nu haben wir willen, nach sand Michels tag churczlich daoben ze sein und dann versuhen uns vor unser widerrais herab zu einander zu fugen. Gebn zu Wienn an unser lieben frawn tag nativitatis anno et cetera XXXVII^mo. Johanns graue zu Schawnberg landmarschalh in Osterrich.