Wir Agnes vnd Anna die kolowratynne Closter Junckfrawn sand Clara Ordens hy zu Eger Bekennen offenlich an disem brife vor allen den die In sehen oder horen lesen das wir der Erbern geistlichen Junckfrawn kathrein Newkircherin vnsers Ordens vnd Swestern in dem Closter hy zu Eger, Redlich vnd recht haben verkaufft vnser kar getreyds halp korn vnd halp habern Jerlich czinsses so wir haben zu harttissenrewt mit des Conuents vnsers Closters czinssen vmb ein Sum geltes, dy sy vns beczalt hat vnd die an vnsern nucz vnd fromen kommen ist vnd wir gereden Ir dasselbig kar Jerlichs czins von allen ansprachen gen allermeniclich zcu freyen vnd zuentwerren Jar vnd tag als Stat vnd Landes recht ist, vnd geloben das wir noch nyemants von vnsern wegen hinfur dorczu noch dernach kein fodermig zuspruch noch ansprach nicht haben sullen noch wollen mit recht noch on recht geistlich noch wertlich in keinerleiweise vnd verzeyhen vns des mit krafft dicz briefs lewterlich gancz vnd gar on alles geuerd, vnd wer den brief mit der benant Junckfrawn kathrein guten willen oder wissen ynnen hat, der hat vnd sol haben mit dem brief vnd Czinss zuthun vnd zulassen mit allem rechten als dy benante Newkircherin, vnd des zu warer vrkund so haben wir obgenanten kolowratynen vnser Insigel gehangen an disen brief vnd haben zcu merer geczewknuss gebeten den Conuent vnsers Closters das er sein Insigel zcu dem vnsern Im on schaden auch gehangen hat. Der brief ist geben nach Cristi geburt vierczenhundert Jare dernach in dem dreyvnddreissigisten Jare am Mitwoch nehst nach sand Jacobs tage.