Unszrn fruntlichen dinst zuvor. Ersamen, lieben, besundern frunde! Wir biden uwir ersamen fruntschafft mit ganczem fliß, daz ir uns mit disem unßrm boden verschriben wullit lassen wissen, waz uch wissentlich sy von gelegenheid des allirdurchluchtigsten fursten, unßers allirgnedigsten herren, des Romischen et cetera künigs, obe sie gnade gein Beheim komen sy, odir waz uch sust darumb wissentlich sy, und auch obe ir uns sust ichtes von der hussen odir andern fremden sachen und leufften ichts wissit und mogit zuwissen getun. Daz wollen wir in solichen odir andern sachen gerne verdienen und laszt uns darumb uwir früntlich beschriben antwort wyder wissen. Datum ipsa die sanctorum Symonis et Jude apostolorum anno xiiiicxxi°. Von uns dem rade zu Franckenfurd.