Elizabeth, relicta olim Blazkonis de villa dicta Trnowa, constituta personaliter pleno in consilio Maioris civitatis Pragensis sano ac maturo prehabita consilio compulsione et coaccione omnium semota dedit, donavit, cessit et resignavit, presenciumque virtute dat, donat, cedit et resignat omne ius suum, quod habet seu dinoscitur habere, quolibet sine sic hereditarie sive devolutorie, vel alio quovis modo in et super curia ibidem in Trnowa ac singulis et universis ipsius curie pertinensi, nec non et litteram seu cirographum cum ipsius iure, quam eciam dinoscitur habere super Procopium a scalis, civem dicte civitatis Pragensis, famoso Cristoforo de Czelna et Margarethe conthorali ipsius. Omnium eo iure sicut ipsa, habuit et tenuit, nichil iuris seu accionis in dictis curia et cirographo pro se et sius succesoribus, quidquam reservando, sed omnis acciones reales actuales utiles et personales in ipsos coniuges plenarie transfenendo et trasfundendo. Actum pleno in consilio prefate civitatis Pragensis anno domini M°IIII^cXXVII°, presentibus Mikssone Bysslawy pro tunc magister civium, Mathia Smolarz, Hedwica sartore, Sdencone candelacione et certis consulibus die ut supra.