Hochgeborner et cetera. Als vns ewr durchleuchtikeit awr schreibt vnd übet zu helffen vnd zu stewern zu der belegung des geslosses Oder, vns auch darumb zuschickunde vnsers herren des Markgraffen Gnaden brieff, in dem vns Sein Hochmechtikeit gepewt zu helffen, was wir dann vormugen et cetera. Also haben wir nu vormalen Ewer Gnade mermalen zugeschriben vnd vns derpoten zu helffen vnd zu stewrn, neben vnserm ganczen vermogen, vnd vmb die grosse puxen vnd puluer vnsers egenanten des Margraffen Gnaden flehen, von derwegen vns noch nicht antwort noch vnser pot widerkumen ist, das wir Ewer Gnade eigentlich mochten vortrosten domit. Jedoch so pald sich ewr mildekeit zu sülcher berennung fugen wirt, So wellen wir auch vnser ganczes mogen vnuorsport gern erczaigen. Datum et cetera.