Serenissimus princeps et dominus, dominus Sigismundus, Romanorum imperator et Boemie rex, de plenitudine maiestatis ac potestatis sue fauit, indulsit et suum prebuit consensum pariter et voluntatem, quatenus bona et hereditates omagiales in Borku alias Czrweny Hradek, que a sua serenitate et conora regni Boemie dependent in feodum et jus omagiale, videlicet castrum Borek alias Czrweny Hradek cum duabus porcionibus opidi, curiam arature, curias rusticales cum censibus et jure patronatus ecclesie integro, cum theloneo ibidem, in Brzezenczi villam integram, curiam arature cum duabus agriculturis, curiis rusticalibus cum census, in Zageticz quantum ad hoc pertinere dinoscitur, in Winarz quantum ad hoc perinet, in Wrskmani villam integram, in Kercziczich quantum ad hoc pertinet, in Erwenczich quantum ad hoc pertinet et in Komorzanich viginti octo piscatores cum censu, cum agris, pratis, viluis, piscinis, riuis, montibus, vallibus, aquarum decursibus, cum omnibus vtilitatibus et fructibus sub terra et super terram, quibuscumque valeant designari nominibus, in eisdem metis et gadibus et omni libertate ac dominio ad ea pertinente nichil penitus eximendo, in eo jure omagiali, quemadmodum strennuus quondam miles Wenceslaus de Copisti et de Morawiewsy a Hannussio dicto Crao et a Katherina relicta Theodrici quondam Crao dicti de Borku pro se et heredibus suis emerat et comparauerat pro mille et septingentis sexagenis grossorum, prout de hoc presentes tabule curie plenius attestantur et prout eciam post mortem prefati Wenceslai olim famosus Johannes de Blazimie et de Morawiewsy velut heres et successor legittimus habuit, tenuit et possedit, exclusis tamen quingentis sexagenis grossorum, quas domina Agnezka de Erwenicz a prenominato Wenceslao, quondam marito suo, pro dote sua habet et habuit in certis hereditatibus predictis deputatas et assignatas ad graciosam dotalem obligacionem, videlicet in Brzezenczi in curia arature cum duabus agriculturis, curiis rusticalibus cum censu, in villa Wesskmany integra cum omnibus et singulis vsibus et pertinenciis et omni libertate ad ea pertinente, prout sibi videlicet prefate Agnezcze virtute dotalis obligacionis presentes tabule curie testantur, prout in eisdem plenius continentur, nobili Wilhelmo de Ylburg in Hawenstein residenti et suis heredibus ad presentes tabulas curie inponantur, proscribantur et intabulentur omni eo modo, jure et forma, ac si prenominatus Johannes de Blazimie et de Morawiewsy adhuc viuens coram beneficiariis curie cum consensu et voluntate regia eidem Wilhelmo Ylburg et suis heredibus inposuisset, proscripsisset et intabulasset beze wssie odpornosti et prout inter ipsum Johannem de Blazimie et de Morawiewsy venditorem et nobilem Puotam de Ylburg emptorem, prefati Wilhelmi patrem, super vendicionis et empcionis contractu iam dictorum bonorum et hereditatum notorie et patentes littere cum pendentibus sigillis fuerunt confecte et utwrzeny. Insuper idem inclitus dominus imperator, Boemie rex, omne jus suum deuolucionis, si et in quantum sibi jus in prenominatis bonis et hereditatibus omagialibus competit aut competere posset quocumque modo aut occasione seu post cuiuscumque mortem aut quarumcumque personarum, dictorum bonorum et hereditatum legittimorum possessorum ante precedencium, sepenominato Wilhelmo de Ylburg et suis heredibus de plenitudine potestatis sue dedit, donauit et dare potuit ac addidit pro seruiciis suis graciose, ita ut idem Wilhelmus et sui heredes possint et valeant eandem bona et hereditates habere, tenere et pacifice possidere perpetue et in ewum cum potestate vendendi, permutanti, alienandi aut obligandi et facere de hiis tamquam de propriis hereditariis, jure tamen omagiali regio semper saluo. Nunccius ad tabulas nobilis Nicolaus de Hazmburg et de Costi, judex terre regni Boemie supremus, fuit ab ipso domino imperatore specialiter delegatus. Relacio nobilis domini Alberti de Coldicz, judicis curie supremi. Actum anno domini millesimo quadringentesimo trecesimo septimo, feria secunda post Stanislai.