Ulrich von Bebirstein, herre zu Fredeland und zum Forste et cetera. Libin nockewir und besunder gutte frunde! Ich thu euch zu wissen, wie das vor mich komen ist meyn man Jorge von Tzirnhawse zu Bertilsdorff und hat mich undirricht, wie ir in in vordechtnisse habit und weis nicht worumb. Sundir ap das die sachin werin, das seyn swogir Waldinstein zu em gerethin were und meynet in dorumb zu argen et cetera. Hierumb, liebin nockewir, bethe ich euch, en aus sulchin vordechtnisse zu lossen et cetera. Gegebin zu Fredeland.