Ir wyst wol, nu nest zu der Lobaw das es so gelassen ward kegen Senftenberg Gotschalke zu schreiben und den fridebrif zu senden und ouch Kerstan Witzlewen, amptman zu der Dohme, das wir des tages noch den heiligen tagen zu Kottebus am dornstage warten wollen; das haben wir gereit also bestalt. Und so sollen wir denn bis mittwoch sein zu Spremberg, das wir yo uff diszmol zu unserem herrn komen nicht mögen, diser tag ginge denn abe et cetera. So denn wolden wir desz nicht lassen, sundern gerne zu seinen gnade kommen et cetera. Und butten euer edlen hochwohlgeboren, das ir unszern herrn den hertzog bitten wollet, das seyne gnade mit landen und steten zu dem tage reiten, en gernig und behülflich sein wolle, als das von sein gnade begriffen ist. Und denn undir wegen so meineten wir mit seynen gnade unseres herrn des koniges sachen zu handeln, so verrist wir mochten, das wollten wir umb seine gnade williclichen verdinen. Geben an der krummen mittwochen (tertia feria post pamarum 1422).

Senatus Budissinensis ad senatum Gorlicensem.