Ich Düring von Halbil, hawptman cze der Ygla, bekenn, als ich dem hochgeboren fürsten herczog Albrechten, herczogen cze Österreich etc., meinem genädigen lieben herren, yeczund hie cze der Ygla gesoldent hab hundert füschnecht, so sind die sechczick gesöldent worden auf ain halbe quatember, die sich enden wïrdet des phincztags in den osterfeyrtagen nachst künftig, so ist aim werleichen die halb quatember cze sold beschaiden czway phunt dreÿ schilling funfczechen phening, so sind hie innbegriffen die anderen vierczick auf fünff wochen cze ausganck der halben quatember als der vorgeschriben und ist aim yeden werleichen die fünff wochen cze sold beschaiden funffczechen schilling phening, das also auf die vorgenanten hundert fuschnecht in sum bringet czway hundert ains und czwainczickk phunt sechczick phening. Also hat der vorgenante mein genädiger herr die vorgenanten söldner irs solts die zeit gancz ausgericht und beczalt und sag in darumb genczleich quit, ledig und.4

Za slovem und vypadlo slovo los. Srov. druhou kvitanci téhož vydavatele z téhož data, sestavenou podle stejného formuláře – 1423-02-21-a.