Unser gepet zuvor, lieber Niclas! Wir lassen uch wissen, das der von Ilnburck uns nechten ein potschaft hat getan umb volk ym zu leihen und das gein Valkenaw zu schicken auf den nesten suntag wider die hussen. Im kun wir nicht gancz versteen, wo er das volk hin vermeint zu nuczen, und pitin uch in geheim uns zu verschriben, ab ir icht verstanden habt, wo er daz volk hin vermein zu wenden, und ab ir im auch icht volks leihen werdet, und ab ir icht treffenlicher mer von vnserm Herrn dem Kunig hört, und waz die hussen machen, und ab sie icht willen heraus haben in kurcz, daz wir uns darnach wissen zu richten. Eur verschribne antburt. Geben zu Waltsassen des dinstags nach Urbani.