Senatus Gorlicensis an die von Lemberg. Als ir denn wist, das Jorge von Redern, Cristoff Rotinburg mit iren helffern unsere fynde sein, des heiligen Römischen reichs freye strosse, unsers allergnädigsten herrn des koniges lande und stat beschedigen und rauben wedir ere, gleich und recht: Vornemen wir, das soliche geraubete und genommene war eins teils by uch in die stat kumpt und mit kouffen und verkouffen fürderung geschicht et cetera; und lassen ouch ire pherde by uch beslohen et cetera uff unser ergestes und schaden et cetera. Hierumb so bitten wir uch mit gantzem begerendem fleisse, das kein uns abezuthun und mit den euern zu bestellen et cetera. Datum 5. feria in die Georgii.