Wir burgermeister und ratmannen der stat Gorlitz bekennen in desim uffin briefe vor allen den et cetera, das wir rechter und redelicher scholt schůldig sein Behemeischer groschen, die itzund genge und gebe sind, do ein bedirman dem andern wol mete gewerin mak, 77 schock 47 groschen deme gestrengen Baltzer Wonsch und Annnan syme ehlichen wybe zu eyme rechten lipgedinge und sin erben und erbnemen und zu getrauwer hand Nickel Dachsin zum Hammerstein gesessin und Frederich von der Heide zu Leuthin gesessin und Hannus Molndorff zu Dawitz gesessin. Globe wir obgeschrebin burgermeister und ratmannen den genanten unsern gloubigern und eren getrauen hendern, eyne sulche summe geldis, also oben geschreben stehet, zu bezalen uff den nehsten zukunftigen sente Mertinstag 11. November unverhindert geistliches und weltliches gericht und herren gewald und einer itzlichin person in der 6 stete eyne et cetera. Des dinstage an sand Petirs tage ad kathedram.