Wir Albrecht, von Gotes gnaden herczog ze Österreich, ze Steir, ze Keªrnden und ze Krain, grave ze Tyrol etc., bekennen, daz wir unsern söldneªrn, die yecz zu der Igla in unserm dienst und sold sind, es sein Deutsch oder Behem, gelobt und verhaissen haben wissentleich mit dem brief, was si in unserm dienste von den veinden redleicher und ritterleicher scheªden nemen nach unsers haubtmanns gescheªft, wissen und willen und die uns derselb unser haubtman wissentleich gemachen mag an geverde, daz wir si darumb furderleich auzrichten und beczalen süllen und wellen nach unserr reªt rat und erkantnusse ungeveªrleich. Mit urkunt diczs brieves, geben ze Wienn an mitichen vor sant Jörgen tag, anno Domini millesimo quadringentesimo vicesimo secundo.