Herzoge Albrecht von Sachsen etc. geleite off die fart unseren g. h. den Römischen zu besuchen kein Breslau. Vor dem hochgeborenen fürsten und h. h. Albrechte, herzogen zu Sachsen und Luneburg, des h. Romischen reichs ertzmarschalke, und vor allen den, die diesen brieff etc. , bekennen wir bürgermeister und ratmanne der stadt Gorlitz, das wir den ehgenanten fürsten und h. herzogen Albrecht mit allen den, die her mit im brenget, zu desim mole in unseres gn. h. des Römischen kuniges stat Gorlicz und wedir doraus sichir geleiten und geleite geben mit diesem brieffe ungehindert vor allen den, die durch unseren und der ehgnanten stat Gorlicz willen thun und lossin wollen. Geben mit unserem angedruckten statt secret etc. anno etc. an sinthe Thomas des heiligen zwelffboten tage.