Albrecht von Colditz voit et cetera den ersamen und weisen bürgermeister und radman der stat Görlitz, mynen besundern libin fründin. Minen früntlichen dinst zuvor et cetera! Mir hat Nickel von Pentzk desin ingeslossen briff gesand et cetera. Also dünket mich geratin sien und bitte uch dorzu, ir wollet das von im nicht abeslahen umb euers eigin glimpfes willen. Wenne wy ir das wurdit abeslahn, moget ir wol achten, das mir Nickel nicht füget zu vorsagin siner glichen bittunge eyn bekentnisse et cetera. Und ab ir dorumb an unsern herrn den keyser schicken woldit, bitte ich uch, ir weldet das etzwas vorzihn, wenn ich mich sulcher gebrechen, zwischen uch und den mannen gelegin, hir etzwas irfaren habe, das ich uch denne mündlich wol berichten wil et cetera. Gegeben am tage unsir frauen assumptionis.