Bernhard von Talckenberg off dem Hoensteyne gesessin, deme irbarn woltochtigin Heyntze Kotwitz, meynem besundirn gutin frund, dari debet. Meyn dinst zuvor, lyber Heintze, also du mir der von Görlitz fredebriff gesant host, so thu ich dir zu wissen, das Jorge von Redern und Christoff Rottinburg nicht synlich ist eynen frede zu leyden mit den von Görlitz an vorkomen, als du in erem briffe wol vernemen wirst et cetera. Wer is denne sache, das den von Görlitz fügete vorzukomen noch solchen worten, als sy yn erem briffe wol vornemen werden, so welde ich mich dorynne můhen mit andern frůnden mit gantzem trauwen, ap wir die sache wege brengin mochten et cetera. Gegeben an dem sontage nach Laurentii.