Frederich von Hockinborn ad senatum Gorlicensem: Mir ist zu wissen wurden, wir das herzog Hannus von Sagan euch geschrebin sulde haben und sulde mir manscherley unglimpphen zugelegit habin, das ich doch gar ungerne schuldig sein welde, und welde mich des nyrne libir vorantworten zu ehren und zu rechte wenn vor euch et cetera. Dovon so bethe ich euch, ap her euch icht anders schrebe, entpote adir sate von mir, denn das redlich und gutt were, das ir em das nicht welt glouben. Und bete euch, das ir mich und die meynen in desin acht tagen nest kommende welt geleyten in eure stat, wenn ich doch aus den sachen und aus andern mit euch zu reden habe et cetera. Zu Fredeland den nestin sontag noch ascencionis domini 1427.