Frederich von Hockenborn ad senatum Gorlicensem: Mein dinst zuvor, libin nockewer! Als ir mir geschreben hobit et cetera, habe ich mir meynem brudern gereth et cetera. Ist uch zu synnen en zu uch zu brengen, das ir zwene namhafftige keyn der Sittaw ader zum Grefinsteyn schicket, dy en zu uch brechten. Ab es uch zu verr dücht an dy zwu stete, so schreibit mir, welche zeit ir dy euern ken Ostros sendin wolt, off denselben euern vorschrebenen tag et cetera, so wil ich meyn bruder vormögen, das er sal zu en kommen und fürder mit en reten uch zu libe et cetera. Gegeben zum Roymunde an der mittewochin post felicitatis et aucti.