Hans von Tzirnhawse und Nickil Dachse ad senatum Gorlicensem. Also ir denne wol wisset, wie wir euch von unsers herrn ern Ulrichs von Bebirsteins wegin eine gütte zugesagit habin zwischen ern Thymen von Colditz und den von der Zittaw und allen eren helffern, doruff ir die von der Zittaw besannt sollit haben et cetera, wolden sie denne sulche gütte leiden, das ir dann unserm herrn wellet zuschreiben. Nu habe wir unsern herrn off gehaldin bis off dese zeit et cetera. Hettet ir nu denne dy von der Zittaw besannt und was euch zu antwort von ehnen worden wert et cetera, das ir das unserm herrn adir uns wellit schreiben ane seumen et cetera. Gegebin zu Fridland an sinte Marien Magdalenen tag.