Allerdurchlauchtigister und uberwinileichister kaiser und genediger herr unser willige gehorsam undertenig dienst zw allen zeiten, als ewer kaiserleich gnad beuolichen hat mit dem grosmöchtigen herren, herren Stephan von Rozgon, hauptman zw Prespurgk, uns zw beczallen die weinn die ewr gnad von uns hat nemen lassen darumb ewren gnaden wol wissentleich ist, darumb uns die gemain täglich vast an rett; bitten wir diemuttichleich ewir käisserleich genad ewr gnad well noch schaffen mit den grosmechtigen herren, herren Stephan und hern Jorigen von Rozgon uns zw beczallen von dem zehent alhie zw Prespurgk; als das ewr kaiserleich gnad vormals mit herren Stephan zw Charnnewnburgk verlassen hat und der richter und auch die anderen die bei ewren kaisserleichen gnaden, daselbs gewesen sind, das also dem ratt und der gemain also ein gesagt haben.

Auch bitten wir durmuttichleich ewr kaisserleich genad uns zw schaffen den brieff von dem Bleske, den er von uncz inne hat von des zehents wegen darumb eweren gnaden wol wissentleich ist das wir eweren kaisserleichen gnaden das selbig gelt beczalt haben damit uns hin sine icht, grosser schad wider für des wir in sarigen sten denn uns der Blesko das under augen geredt hat. Geben zw Prespurgk am suntag nach sand Matheus tag des heyligen zwelispoten anno domini millesimo quadringentesimo tricesimo sexto. Richter und der geswaren ratt ewr getrewe der stat zw Prespurgk et cetera.